Sabtu, 16 Januari 2016

Buku Bona Bulu Bab- II






BAB II
BONA BULU (HUTA)

A.  Syarat dan Tujuan Dibuatnya Huta (Desa)
Najolo narincan narobi nada adong dope huta (bona bulu). Ompung–ompung ni ompung-ompung ta mangolu manjalahi panganon nada totop tinggal na. didia nadapot hangoluan disima ibana tinggal. Songonima torus-torusan hangoluan ni ompung ta, najolo hangoluan ni halahi martini dohot marburu, ai nada totop tinggal na. malambat mamalolot mur ma bahat ma turunan ni oppugn taon ima nadidokkon situan najaji (situan na torop) atau didokkon masyarakat.
            Harani ni halak madung mur martamba bahat dungi adogn hagiot untuk marsuo disiriaon dohhot siluluton dungi dijalahan tano na dung bidang dohot aek na godang giot inganan tinggal (bona bulu). Adapun tujuan ni huta di pajoanjong  ima ;
  1. Situan najadi dohot situan natorop anso bisa maruso di siluluton dohot siriaon
  2. Situan najadi dohot situan natorop anso bisa martahan sian serangan ni musuh ataupe hewan-hewan namarbisa ataupe hewan-hewan na mangolu songon mabiat, ataupe gajah.
  3. Situan najaji dohot situan na torop marlom-lomba manuju kemajuan.

Sedangkan syarat-syarat pajonjong huta ima ;
  1. Adong tano na bolak inganan situan najadi dohot situan natorop
  2. adong baenon saba dohot parkobunan inganan manyuan panganon doot sayur-sayuran dohot dalangan pangan-panganan.
  3. Adong batang aek minuman dohot paridian lalu manumbuk saba.
  4. adong disi dalian na tolu (Kahanggi, anakboru, mora) ise na apjonjong huta did ok ma susuan bulu ataupun Raja ni huta intantai didokkon ma sisuan pandan (namora di huta). Raja dohot dalian na tolu ditabai dohot natoras natobang dihuta on ma namaniop ada dohot ugari dohot paraturan-paraturan ni huta.

Raja dohot dalian natolu totop do on salumpat saindege mambaen pastak-pastak ataupun atura-aturan adat na di huta……di huta on diatur ma uhum adat dohot ugari anso dipaboa tusude situan najaji dohot situan natorop na adong di huta. Muda adong namasa dibagasan ni huta siriaon bope siluluton sude dalihan natolu dohot situan natorop dohot situan najaji sama-sama do mangkaraejoon na.

  1. Suhut; on ma calon ni raja ni huta na manyuan bulu muda istirana manyuan pandan didokon ma sisuan bulu dohot situan pandan. Marga ni sisuan bulu dohot sisuan pandan ima na manganyomi (penduduk) na adong di hutai.
  2. Anakboru ; anakboru na manyuan jegang/jagung marbaris-baris, on partanda bahaso anak boru on ma na didokkon halak na kayo nakkan na mangawasi dohot mangatur ketertiban ni huta.
  3. Mora; manyuan eme on panando songon na mengalehen nasehat tu raja ni huta anso sude mardalan dengan mora di dokkon mataniaro naso jagahon, leng naso tukkiron, dap-dap naso daopon. Rimbur maso pusoran.

Ai na tolu unsur on suhut, anak boru, mora on ma nadidokkon nalihan natolu, atau tolu dalihan molo dua inda tarbaen marmasak. Anggo suhut dohot anak boru sajo, inda tarbaen huta, atau suhut dohot mora pe songoni nada tabaen huta.

Muda dung sikkap na tolu on dibaenma panabalan ni huta (peremian ni huta) penduduk atau pe masyarakat na manginganani huta rukun, dame, dohot sejahtera anso dapot na di parhagiotan ima ;
  1. Rondaman naso marhita artina inda adong di hutai namambaen marsak ni halak.
  2. Jalangan naso marrongit artina masyarakat maraso inda adong tekanan-tekenan atau tenuan.
  3. mardomu tahi sanga mufakat artina dame, bahasa siamun, bahasa naik so dalan keadaan dame.
  4. Martalaga na so hiang artna sonang penduduk ni huta bope badan songoni batin.
  5. Marutonggo si sombaon. Artina akidahnya masyarakat tai nai marugamo.

            Saon bahat dope pengaruuh ni pamarentah Belanda tu huta-huta na adong di Tapanuli Selatan ima mangenal soal raja-raja na diangkat ni pamarentah Belanda najolo. Ulang adong dope perasaan umtinggi derajat nita sian halak masyarakat situan najaji atau situan natorop, perasaan ni halak sannari katurunan ni raja-rajai  padahal anggo dung mardekaon nada adong be perbedaanna, alak na pittar ni raja na jolo nada adong pendidikanna harani i nada tarbaen tu jolo atau pimpina. Guna mambaen huta dame taratur di ujukkna katua ripe goarna ima katua ni halak nadung marripe, jadi muda ripe on ima parkumpulan ni halak nadung kawin, jadi sahinggo tarjadima ipe. Ipe suhut, ipe ni bayo-bayo.
            Menurut pemerintahan Belanda najolo namanguasai harai adongma 5 (lima) golongan. On ma na didokkon namora.

  1. Mora ; tai anggo sannari sude doma halak di dokon na mora asalna denggan tingkah lakuna.
  2. Kahanggi ni raja ; ima katurunan ni raja-raja akkangna, atau angina, sangape anakna, paoppuna. Sannari muda dihormati alak on harana bahat tingkah lacuna na mangarugion masyarakat
  3. Anak boru; di dokkon bayo-bayo on ma sabotulna na mambantu rajai atope dohot hata nalain tukkor dinalandit sulu dina golap.
  4. Natoras-toras ni huta ; didokkon on cerdik na pande, napintar-pintar di hutai, dokon ma natoras atau dohot hata lain hatobangon. Tarmasuk ma disi artina alim ulama
  5. Halak na bahat; idikon ma sitan natorop, situan najaji naro taarmasuk mora, kahanggi, anak boru dohot natoras. Diantara na lima on (selain situan natorop dohot situan najaji) na markawajiban ma on mangatur sepanjang adat ni huta i na mamarenta di huta ima na dikkon ;
    1. Raja panusunan bulung; idokon on katua ni pamarentaan dohot katua ni adat.
    2. Wakil ni raja panusuna bulung (imbang raja)
    3. Pangka biri muda saro sannari didokkon sekretaris Desa
    4. Bendahara ni huta najolo milia raja
    5. Penerangan ni Raja ataupe juru bicara ni raja, di dokkon on suhut ni raja.
    6. Dungi adong muse ma urusan na poso, dohot nauli bulung (orang kayo bayo-bayo)
    7. Adong buse datu-datu na mangubati nadidokkon saonnari manteri kesehatan (malim maulana)
    8. Habis datu-datu adong muse ma wartawan (manyuang kato)
    9. Adong muse ajudan ni raja sanga (tukkot ni raja)
    10. Untuk manjago pintu horbangan jae  dohot julu di dokkon goruk-goruk hapinis (keamanan ni huta)
    11. Disamping i adong penasehat tu raja i ataupe didokkon imbang selo.
    12. Adong muse dope bagian siasat ni raja atau intelijen ni raja, on di dokkon barita raja.
    13. Dungi na martanggung jawab tu urusan agama na di huta didokkon on tongku imom
    14. Adong muse namarturi, ahli sejarah marcarito, sastra, di dokon ma on panto raja.
    15. Namangurus sebagai penerangan ni raja didokkon nion khatib na raja.
    16. Sebagai jaksa di dokkon maon sialang raja, adong na setia tu raja idokon hulu baling.
On ma sude pangkat-pangkat ni huta, saro na jolo anggo saonnari madung marubah susunan sesuai dohot ni masyarakat sannari.
B.  Adat Istiadat Menurut Terminologi
1.      Pengertian Adat Istiadat Menurut Terminologi
Menurut terminology adat istiadat berarti pasak-pastak peraturan-peraturan tata cara hidup dan kehidupan atau adat kebudayaan gunanya membagi kasih sayang terhadap manusia ataupun masyarakat. Jadi adat istiadat didokkon paho atau patidahon holong atope kasih sayang, sopan santun ataupun akhlak. Realisasi dari pada adat disebut budaya, jadi pahoi ima peraturan melakukan kasih sayang kepada keluarga atau sesama manusia dengan menyesuaikan diri dengan situasi dan kondisi marubah-ubah dan bertambah maju paho dalam merealisasikannya mempunyai landasan sebagai berikut ;
a.        Salakka sasikkoru, sasanggar saria-ria, saanak saboru suang namarsada ina.
b.       Songon siala sampagul rap tu ginjang rap tu toru, muda magulang rap margulu, muda malamun saulak lalu.
c.        Muda pahulu simanggurak, ikut pahae siupolon
d.       Dampak naron rimitai pangoloan rimitai gogo
e.        Udut marsipanginjangan tappar marsipagodangan.
Dalam menentukan hubungan keluarga di Tapanuli Selatan adong 3 mocom yaitu ;
  1. Patrihat ; keturunan ayah on tardapo di angkola sipirok, di Paluta, Palas, dohot di Madailing.
  2. Matrihat; keturunan ibu terdapat di Mandailing Natal bagian pantai barat atau pesisir pantai sebagian di Muara Sipongi.
  3. Parental; melalui kedua orangtua on inda mambaen margana.
 

2.      Pago-pago Namanahut Di Huta
Aturan yang dapat disesuaikan dengan kondisi situasi muda inda adong hotang andorpe tola dipangkobetna. Contoh tiga macam persekutuan hubungan:
  1. Persekutuan yang genealogis, faktor keturunan yang mementukan
  2. Persekutuan genealogis ……, faktor keturunan yang mementukan kedudukan
  3. Persekutuan yang berhubungan dengan genealogis dan tritorial, undang-undang agama.

3.      Uhum-Uhum Adat
Sanksi yang dipikulkan terhadap pelanggaran adat ada tiga macam hokum :
  1. Hukuman atau putusan yang ditujuhkan menjadi dengan keputusan sidang adat, pemindahan kelamin wanita menjadi kelamian suaminya.
  2. Pelanggaran yang memerlukan sidang dan denda mengantar bodil kepada pelanggaran perkawinan.
  3. Pelanggaran ringan, tanpa sidang adat hanya nasehat dari  harajaon ima hatobangon.

4.      Ugari
Tutur tarombo, moral atau tindak tanduk menghadapi tutur Dalihan Natolu dan masyarakat (komunikasi sosial) contoh ada tiga macam ugari :
  1. Tidakan apa yang dilakukan bila kejadian berada di pihak mora, pada waktu itu kedudukan kita sebagai mora..
  2. Tindakan apa yang dilakukan bila kejadian berada di pihak kahanggi, pada waktu itu kedudukan kita sebagai sehut
  3. Tindakan apa yang dilakukan bila kejadian berada di pihak anak boru, pada waktu  itu kedudukan kita sebagai mora

5.      Ujar-ujaran
Seni budaya ataupun adat istiadat disebut juga pergaulan hidup masyarakat sehari-hari seperti halnya dua bagian ujar-ujaran
  1. Siriaon ;
    1. Haroan boru (perkawinan) segala macam cara dan upacara adat perkawinan.
    2. Tubuan anak (kelahiran anak) segala macam dan upacara adatnya
    3. Memasuki bagas naimbaru (memasuki rumah baru) segala macam cara dan upacara adat.
C.  Panogu-Nogu Ni Paradaton Tu Pudi Niari
Adonghe adat i samo muloi sian najolo sahat tu sannari ?. Bia muse tu angkan naro adonghe adat i nada tola maruba? Untuk manjawab saja sapa-sapai panulis porlu mangalehen pandangan singkat muloi sian najolo torus tu sannari naporlu dihayati.
Dasar pamikiran ni panulis manusia on muloi sian Adam & Hawa dohot carito kajadianna torus markembang inda putus-putus sampe sannari.
Dibagasan pardalanan waktu, tarjadi ma rumah tangga, suku-suku, bangsa­-bangsa dohot paradaban masing-masing.
Untuk mampartahankon dohot manegakkon paradaban suku-suku bangsa i, tarjadima partontangan satu dohot nalain, tarjadima parbadaan parsaorangan, antara sada keluarga dohot keluarga nalain, antara sada Desa dohot Desa nalain, sada bangsa dohot bangsa nalain.
Untuk mampartahankon dohot manegakkon paradaban suku-suku bangsai tarjadi musema parbadaan dohot partarugan muloi sian Kabil dohot Habil, antara sada Desa dohot Desa na asing antara sada suku bangsa dohot bangsa nalain dohot satorusna.
Sebagai akibat partarungan i adong suku bangsa na monang, adong muse nakalah. Madung manjadi hukum alam bagi nakalah diparentah dohot diatur na monang na statusna bisa songon tawanan atope ahirna diparbudak suku bangsa na monang.
Dibagasan parkembangan maso muloi sian naitom narobi namonang dohot pimpinan pemukana mambaen aturan-aturan tata kehidupan ni bangso i atope kelompok i, na ahirna adong manjadi Raja di sukuna. Sabalikna kelompok na kalah diparalat dohot diparbudak kelompok na monang i.
Dibagasan pardalanan i tontu kemungkinan bisa denggan atope bisa jat muda dapot pimpinan na solim, ahirna akibat ni pimpinan nasopade tingon na markuaso atope harana marmocom-mocom sebab tarjadima, parlawanan atope pamborontakan na mungkin berhasil dohot manawan kelompok namonang parjolo manjadi kelompok tawanan na kalah, na satu saat diparbudak muse oleh kelompok pamborontak namarasal tingon  keluarga na tartindas sebelumna.
Jadi disi taridama anggota ni masyarakat i margonti-gonti diginjang, atope margonti- gonti na diatur asa songon i muse na mangatur. Pangaturan ni sada tingkatan panguasa mandalilkon aturan-aturan na adong pada waktu i ima aturan-aturan na pade dohot na syah.
Tai dung margonti atope marbalik na markuaso kaluar muse aturan na baru tai dinyataon muse ima aturan nasapadena asa syah muse, biarpe mungkin aturan-aturan nadua tingkatan panguasoi martontangan dohot martolak belakang.
Songoni ma pardalan ni kahidupan bangso-bangso i serba ringkas sampe tu jaman sannari, didia adop dohot parbuatan madung bahat marubah asa dohot didasarkon tu pandangan-pandangan kemanusiaan na dipangaruhi ajaran agama.
Agama mangajarkon inda adong parbedaan ni sesama jolma on na saagama, selain tingon bahat ni amal parbuatan ni ibana tu masyarakat dalam hubungan-hubungan horizontal bop hubungan tu Tuhan na gumorga langit tumompa tano dibagasan hubungan vertikal.
Anso dapot hubungan sasamo jolma on mardalan dohot harmonis dohot sadenggan-dengganna, sapadena inda adongbe paraturan, patik dohot uhum na marbau "Kastaisme" didia kelompok tertentu manjadi kelompok ni bangsawan, "Harajaon" tai sambalikna kelompok lainna manjadi kelompok "Jampurut" atope kelompot "titisan ni atoban". Parbedaan on inda pade be ditoruskon dohot diamalkon harana ita madung 67 tahun mardeka dohot hak kewajiban na samo sasama jolma on.
Muda hita ligi lobi mandalam tu masyarakat ni halak Tapanuli Selatan. leng tarida dope kaluarga i kaluarga harajaon, kalompok adu halak kabanyakan, si Anu partangga sambilan, asa si Anu partangga hayu naibul, sitolu anak tanggai doi dohot satorusna.
Songon i muse parbedaan i tarida di gorar barupa gelar dohot tutur sapa lain, tangkas dope adong parbedaan adop na taradat di masyarakat i. Manurut hemat ni panulis hita madung honok mardeka asa karajaan­-karajaan pe madung hapus sasudena pikiran-pikiran atope pangalompokan na adong di masyarakat i na masih marbau kastaisme angkon secara tuntas diagohon.
Pangalompok status di masyarakat Tapanuli Selatan bisa sajo totop adong tai inda hum tu halak-halak tertentu sajo tai kalompok i atau tingkatan status i bisa dimasuki ise sajo asal madung manutupi parsyaratan. na disepakati ni masyarakat i sabolumna.
Muda di parkate-ateon pangalompokan status na lewat lewat i bahat di tandai tingon PARMUDARON KAKUASAAN PAMARENTAH; tai baen hita madung mardeka pangalompokan status na sesuai sannari sabaikna didasarkon tingon parsyaratan na ditotopkon masyarakat i malalui musyawarah mufakat.
Misalna bisa disarankan namanjadi patukan status ni sada-sada jolmai di masyarakat paradaton di Mandailing bope Tapanuli Selatan antara lain :

  1. Aha do namanjadi landasan paradaton waktu sada sada halak berkeluarga.
Nasagodang-godangna, na panonga atope na menekna.
  1. Sampe tu dia pangatahuan ni sada-sada jolmai mengenai paradaton ni halak Mandailing atope Tapanuli Selatan.
  2. Songon dia do sikap prilaku ni sada halak di tonga-tonga masyarakat.

Muda diligi parsyaratan butir napasadaon dina lewat-lewat i pe madung manjadi landasan status mai, tai tarida status i manjadi status abadi dohot inda maruba bope katurunan inda mambaen atope inda manyanggupi landasan songon na dibaen ni ompunta na par jolo.
Anggo na dimaksud panulis diwaktu nangkan naro muda madung kaluarga ni sada-sada halak i diwaktu peresmian markaluarga madung  dilandasi dohot anak ni manuk na langka-langka indalu, ia tola manjadi Raja Panusunan asal manguasoi paradaton di Mandailing bope Tapanuli Selatan.
Tai disada waktu muda anak ni ibana inda bisa memenuhi syarat ni parkawinan na Godang, anak nia on inda tola be manjadi Raja Panusunan bope cukup manguasoi paradaton. Jadi jelas "Landasan horja" dohot "Parbinotoan" nasadalan asa manjadi syarat naso tola dipisahkon.
Tai muda nagiot manjadi pimpinan ni paradaton nagodang atope nagiot manjadi "Raja Panusunan" nadua syarat i porlu dope dilengkapi dohot Songon dia do sikap prilaku na di tonga-tonga ni masyarakat Mandailing atope masyarakat Tapanuli Selatan atope di lingkungan pargaulan ma di portibion­.
Anggo sada-sada halaki madung biasodo manjadi "halak na diobaran" harana jot-jot parange ni ibana na manyimpang tingon nabiaso, misalna tiop tongkin marbagas dohot cerei, atope jot-jot mamuloskon hak ni halak, manangko atope mangkaremuti barang ni halak, tudia-dia marbada atope saro-saro sannari inda bisa binaen jadi panutan.
Halak na songon i bope syarat nadua naparjolo sangat denggan tai harani syarat na patoluon samasekali inda tarpanuhi indatola di baen jadi Raja Panusunan harana tola ma didok nada mungkin ia bisa mangalehen sipaingot nadenggan di baen ia sandiri nada bisa dope maniop atope mangamalkonna.
Jadi untuk waktu-waktu naro porlu musyawarah singkat dalihan natolu sabolum sada-sada karejo dimuloan ise do nangkan diusulkon manjadi Raja Panusunan digalanggang paradaton di sadari i. Dung ditotopkon parjolo baru ma dimuloan na manyurdu burangir asa dipajoloma tu Raja Panusunan ladung ditotopkon i.
Muda madung binaen songon i asa salalu konsekwen dohot masyarakat lingkungan madung mamboto, panulis yakin sude lapisan masyarakat angkan manarimona, asa putusan-putusan ni paradaton i mur marmutu dohot markembang harana didukung halak-halak ahlina na manguasoi parsoalan dohot na manjago dirina di pargaulan sesama, napada ahirna satiop lapisan masyarakat tarmasuk kelompok agama dapot manarimo dohot mangamalkonna.
Muda pandangan i madung martarimo dimasyarakat tontu aturan-­aturan na marlaku di masyarakat i, ima aturan-aturan na mangatur sude anggota masyarakat asa aturan-aturan i manjadi milik dohot hak ni sude anggota masyarakat.
Godang harapan parlakuan tu aturan-aturan na manata masyarakat i marlaku umum asa sude mempunyai hak dohot kesempatan na samo asal parsyaratan na dipenuhi.
Ise sajo nagiot mambaen karejo atope horja godang bisa sajo tai sude syaratna dipenuhi. Naso tola dohot inda bisa ditarimo muda sada-sada halak i marmaksud mandapot panghargaan status na gincat asa peranan nagodang misalna giot manjadi Raja Panusunan. tai ia tingon awal hum mambaen landasan namenek sajo do.
Jadi anso ulang tarjadi Sarampagan di paradaton sapade-padena ditotopkon bersama ma syarat-syarat na diporluhon i asa panulis mambaranihon diri untuk manguyusulkon 3 (tolu) syarat songon nadipajojor di ginjang.
Songon i muse misalna taringot di pakean adat diwaktu mambaen karejo atope horja misalna muda landasanna inda jabat margorar nada tola dipake ampu dohot inda tola manortor asa inda adong salempang boru.
Tai muda dibaen landasanna panonga atope pangkupangi sanga horbo janggut namarsisio ditaruma pakean tola mar-ampu tai olat na mattingkat tolu sajo, asa tola dibaen na manortor tai olat dipantar bolak sajoma inda jabat dibaen margalanggang dialaman ni bagas.
Sauduran dohot i pakean ni boru cukup marsalempang sada, pamakena marsilang sian abara siamun tu badan siambirang.
Satorusna muda karejo i horja godang didia landasan na anak ni manuk nalangka-langka indalu pakean margampu marbulang dohot tingkat 5 asa baju ni boru marsalempang dua marsilang marlawanan tingon abara siambirang tu badan siamun asa sada nari tingon abara siamun tu badan siambirang
Disamping ni i dipasadio muse galanggang paradaton dialaman ni bagas godang, asa biasona diparombunkon muse naposo nauli bulung.
Jadi muda sude situan natorop dohot situan najaji madung mamboto parsyaratan-parsyaratan na diporluhon naso adong kaitanna dohot parmudaron, asa sude ise sajo tola do mangalaksanahonna asal parsyaratan dipenuhi. dilain pihak sude tola manegor muda inda dipenuhi parsyaratan nadung ditotopkon i.
Harapan ni panulis anso dimuloi manggoit-goit hal on anso tibuma dibicarahon tokoh-tokoh masyarakat anso adong tiopon ni dakdanak na parpudi.
Ampot tokoh-tokoh Mandailing bisa manarimo aha-aha na hami pajojor diginjang harana totop do didasarkon tingon aturan-aturan nadung adong di masyarakat ta, tontu panulis sangat manghargaina.
Satorusna muda aturan, patik, uhum ni paradaton di masyarakat i madung dihayati dohot rasa dimiliki sude anggota asa bisa dinamis manuruti parkembangan dohot kemajuan ni suku bangsa i, godang haropan paradaton i nangkan berkembang manuruti kemajuan asa inda dianggap aturan usang yang kuno.
Panulis markayakinan nangkan bahat nahurang sapandapot dohot pamikiran-pamikiran ni panulis on, tai hami samata-mata marpikir untuk manghidupkon dohot mangalestarihon paradaton tu pudi niari, sebagai sistim tata kehidupan na martarimo tu sude anggota masyarakat nadung mardeka.
Ampot adong ucapan natotop muncul di parkobaran galanggang paradaton misalna rajai, santabi, hita luaning, dohot nalain-lain hum sekedar tingkatan atope strata markobar sajo doi tarbatas digunahon di galanggang paradaton.
Saimajolo natarbaen panulis mudah-mudahan marguna tu generasi nangkan naro.

"USAHAON MA DIRIMU ULANG GAMANG DI PANTAR
BOLAK NI SOPO GODANG".
PASTI BISA
"MUDA BINOTO ADAT NIBA"

Hormat tu panise dohot pambasa, tarbuka tu sude keritikan napapadehon dohot pangharopan ni penulis :

Baca hamu Ale anso binoto antusanna
Pareso hamu sanga didia salana
Pature hamu anso dapot bonarna
Amalkon hamu anso adong gunana.

Horas tondi madingin Pir tondi matogu



D.  Dalihan Natolu
Na dimaksud dohot "Dalihan Natolu" ima sada lembaga adat kemasyarakatan Tapanuli Selatan na marupahon kesatuan tingon Suhut, anak boru dohot Mora.
1.        SUHUT
Na dimaksud dohot suhut ima pihak nampuna karejo bo ia na marangka-maranggi bope kahanggina. Sude bona-bona ni parkarejoan diparkobaran sai totop sian pihak ni suhut nabiaso didok "Bona ni api martimbus".
Muda diligi tingon hubungan ni parmudaron suhut ima pihak ni sipambuatana anak gadis ni mora. Suhut salalu didongani dongan sapambuatan na didok "Pareban" atope muda di Angkola Sipirok didok "Hombar Suhut" didia fungsi ni halai sarupo dohot kahanggi tai giliranna dung habis kahanggi markobar.
Suhut on dibagasan ni urusan karejo jot-jot tarsinggung bope marsalisi pandapot sahinggo sering mamuncak na kadang-kadang sampe inda "Marsiolian" atope inda marsitungkiran. Tai binoto do anggo nasamudar sai totop do "gotap tampulon aek" inda "gotap otang".
Hara ni ima muda adong parsalisian nada tola mamutuskon silaturrahmi, tarlobi-lobi on sada larangan tingon Agama Islam.
Hal lain na jot jot mambaen parsalisian markahanggi atope nasapihak suhut ima harani "Harto pusako". Panyalosean melalui pangadilan bisa salose hanya masalah materi, tai soal parmudaron na marangka maranggi atope na markahanggi hanya bisa disalosehon melalui Dalihan Natolu.
Sering juo keluarga ni suhut madung honok marsalisi tai muda adong karejo atope horja sering do disi tarjadi panyalosean mardenggan dohot biasona malo ni anakboru do manggunahon hatiha na denggan i sahinggo tampulon aek i sai totop do tarbukti.
2.        MORA ;
Mora ima pihak keluarga tingon anak gadis na dibuat. Mora bisa martingkat-tingkat :
a.    Mora pambuatan atope mora pangalapan boru
Mora on ima pihak keluarga ni dongan saripe niba. Muda dipargaulan kelompok ni sude mora diantara ni halai ibana tarmasuk tingkatan na parpudi.
Tai anggo diparkobaran mangobari boru niba biasona mora on do berperan nangkan mangalehen garda, atope na mandabuhon "Ompong ompong" tu calon bayo pangoli mandapotkon baberena.
Songon i juo muda nagiot mangalehen parompa disorang ni paompu mora pambuatan on ma nangkan manyorahon parompa atope pangambit i.
b.    Mora Ulubondar naso hasop-sopan ;
Mora Ulubondar on ima keluarga pangkal ni Dainang. Anggo digalanggang paradaton angkon na dipatidahon nalobi do sangap niba maradopkon mora on asa mora pambuatan pe mangarti do disituasi i sahinggo sering do mora pambuatan on mangalehen halobian dohot ikhlas bahaso mora ulubondar on ma manyampehon hata ni halai na dua pihak.
Songon i muse di anggaran panortoran dipajolo do anggaran ni mora ulubondar baru anggaran ni mora pambuatan atope sakaligus dipasada manjadi "Mora bolon"
c.    Mora mataniari sogak-gakon, Liang so tungkiron, mora sauntang-untang ima mora nadung sundut marsundut mambuat boru tu kaluarga ni mora on.
Pendekna madung marpupu mangalap boru tu pihak namora on muloi sian ompung ni ompung, ompung, amang asa anak niba sai na totop adong partalian parkouman, harana gadis ni halai sai marulak-­ulak dialap manjadi dongan saripe ni kaluarga niba pihak anakboru.
Kadudukan ni pihak mora mataniari sogak-gakon ma na paling gincat asa biasona disada karejo adat sai na magulang ma tu ibana mamutuskon pandapot ni pihak mora asa sude pihak mora na asing secara ikhlas do mengalehen kesempatan tu mora sauntang-untang on.
3.        ANAK BORU ;
Na didok anakboru ima pihak na mambuat anak gadis keluarga niba. Jadi sada keluarga sadahatiha ibana manjadi suhut, diurusan na asing manjadi mora, songon i muse partalian na lain manjadi anakboru. Songon dia mora, anakboru pe adong do tingkatan didia tingkatan on manontuhon sifat-sifat ni karejo natola dilaksanahon anakboru, ima:
  1. Anakboru "Sisuruk Taruma", anakboru "Maninian". Anakboru on ma napaling donok tu. morana asa nalangsung dohot manangani urusan-urusan rumah tangga ni mora.
Aha sajo namasa namuba di bagas ni mora, anak boru on ma naparjolo turun tangan.
Anakboru on antargan somambuat gadis pihak ni mora madung tinggal dohot kaluarga ni morana asa baen ringgas dohot denggan ni pangalaho dohot parange na manyonangkon roha, bo dilehen ma tu ibana boru, asa ibana ma manjadi anakboru sulu di nagolap tungkot di nalandit atope anakboru sisuruk taruma, asa waktu mandapot boru sian morana ibana inda diborati boban-boban jujuran nabiaso.
  1. Anakboru Goruk-goruk Kapinis ;
Anakboru on ma na didokon siorus nalobi sitamba nahurang na mamboto horbangan jae dohot horbangan julu: Ampot adong halak luar nagiot manopot Morana atope Raja di huta i angkon parjolo manopot ibana baru dipasampe tu morana.
Tarlobi-lobi muda adong halak luar nagiot manyisik boru ni Raja atope boru ni morana, angkon ditopot jolo anakboru goruk-goruk kapinis, baruma bisa disiborangkon ibana maradopkon morana.
Anakboru on tarmasuk anakboru na lolot di huta on asa dohot ma kaluarga ni anak boru on na "manombak" atope mambuka banua i.
Anakboru goruk-goruk kapinis on didok juo anak boru "Bayo-bayo na godang" na manjadi uluan ni anakboru di huta i. Anakboru on madung dilehen mora hapurcayaan penuh untuk manyaloseon urusan­-urusan tarmasuk na manyangkut urusan na marsangkutan tu pangaluaran atope biaya.
Ima anso didok "Sihorus nalobi sitamba nahurang".  Ampot adong diurusanna hahurangan biaya, ibana na manutupi hahurangannai asa muda adong nalobi harani malona ibana mangatur inda sala lobinai dibuat atope dicakuhon ibana, asa mora pe madung maklum mai.
  1. Anakboru Haholongan ;
Anakboru on ima anakboru harajaon na ro sian huta luar. Anakboru on nada dohot manjama urusan rumah tangga ni mora disada parkarejoan, tai sai totop do dohot martanagung jawab disude parkarejoan di bagas ni morana.
Karejona manyalosehon urusan di parkobaran digalanggang paradaton. Anakboru haholongan on di Mandailing songon na dibedahon nada tola disuru alasanna "Tampar marsipagodangan" muda holona roha mangaligi anakboru niba pasti hormat mai ibana tu morana.
Anakboru on didok juo anakboru "Siapus-apuson" sangape anakboru "Nalambat kehe na hipas lalu". Panyalosean ni tugas na diatasi ibana dohot dua cara, ima :
1)      Satiop kehe tu sada karejo salalu dioban ibana anakboru na nangkan manggontihon ibana muda adong tugas ni anakboru. Tontu maradopkon anakboru ni ibana na diobanna on angkon na elek mai asa sai marpupu mai "Tungkap tangan" mangadopina.
2)      Muda inda adong anakboru, mandampingi disalosehon ibana manyuru halak di huta ni morana manyalosehon urusan sabagai ar;akboru asa dilehen ibana uaa loja tu nadisuru mangarejohon tugas na.
Jadi bope anakboru Haholongan on sai juguk di pantar bolak tai tugas dohot kawajiban ni ibana sebagai anakboru totop do tarsalosehon dohot denggan, bope manggunahon alak na asing, ima anso didok anakboru "Sisuruan nalosok nahipas kehe" atope nalambat kehe nahipas lalu.
Jadi dipihak ni anakboru haholongan on dohot martanggung jawab, bo ia sian pambiayaan bope tingon tenaga dohot madung mamake unsurpimpinan atope manggu.nahon bisuk jana mangaluarkon hepeng. Tingkatan ni anakboru on adong markait tu banjaran ni mangambat muda boru nadioli marangkat tingon bagas. Muda anakboru haholongan mangambatdi pangkal tangga, anakboru goruk-goruk kapinis di pintu pagar ni pakarangan alaman bolak asa anakboru si suruk taruma mangambat di topi ni Kampung atope di tonga saba. (Nangkan dipajojor lobi lanjut di bagian ni na mangambat boru).
Dalihan natolu on juo adong di luat ni Tapanuli Utara asa songoni muse dohot maksudna sarupo ima "DONGAN SABUTUHA", Boru dohot Hula-hula, songon i muse di Karo dohot istilah "SANGKEP SITELU" tardiri tingon Kalimbubu, Anakberu dohot Senina, asa di Simalungun didok mai "TOW SAHUNDULAN" ima Tondong, Boru dohot Senina.
Jadi muda dipamanati "bahaso" songon i muse di fungsi hagunaan ni lembaga paradaton on dapot ma ditarik kasimpulan bahaso hita na sa sai katurunan do diwaktu "na rinca na lobi".
Tasannari madung bahat pandangan dohot pandapot harana madung bahat masuk pangaruh luar bo ia pangaruh ni HINDU, ISLAM dohot "SIBONTAR MATA". Songon i muse muda diligi tingon fungsi dohot maksudna madung jot-jot inda digunahon harana aturan-aturan ni kemasyarakatan na didokon "PATIK" dohot "UHUM" dohot "UGARI" madung bahat manggunahon "Paraturan-paraturan" tartulis sian Pamarentah".
Muda manurut aturan tartulis tingon pamarentah jelas batasaniatasan na asa inda adong karagu-raguan anso tangkas diligi muse aturan "Penjelasan" aturan "Pelaksanaan" asa muda inda tarkait tu peraturan "Induk" dohot panjelasan sangape paraturan palaksanaan inda adong be na mangikat atope na dilanggar.
Anggoo di Patik, Uhum dohot Ugari batas-batas na inda jelas tai disamping ni i adong keikhlasan ni anggota masyarakat mangihutkon -patusan ni Dalihan Natolu asa disamping i adong sada kayakinan bahaso muda inda diihutkon nangkan "maninjal naso nida "asa" manggora tondi ni ompunta na jumolo sundut i".
Jadi dibagasan ni patik, uhum dohot ugari tarihut pangartian kapatuhan, kaikhlasan dohot saling hormat manghormati antara anggota masyarakat, antara "Situan natorop" sandiri sangape antara "Situan najaji" dohot situan natorop.
4.        Kedudukan Ni Unsur Dalihan Natolu Samo Gincat.
Kedudukan ni unsur Dalihan natolu pada hakikina sarupo gincatna dohot alasan-alasan na di toru on :
1)        Muda mambaen sada kaputusan Dalihan natolu ima suhut, anakboru dohot mora musti hadir, dohot hak suara nasarupo. Muda sada sajo unsur ni dalihan natolu inda hadir, nada tola atope inda syah kaputusan na dibaen.
Jadi muda dnigi tingon hak suara mambuat kaputusan ternyata kelompok ni Suhut, anak boru dohot mora mampunyai hak na samo sahinggo inda adong na diginjang atope salalu di toru.
Songon i muse Raja Panusunan ra mambaen kasimpulan atope kaputusan muda madung mambege pandapot ni tolu unsur ni Dalihan natolu.
2)        Dalihan natolu secara harfiah ima 3 batu na samo gincatna na digunahon panjorangan ni.udon marmasak. Sude na dimasak nangkan tungkis muda inda datar atau inda sarupo gincat na tolu batu i. Dua batu sajope samo gincatna asa sada batu rondo atope lobi gincat tingon batu na dua nari masakon pe nangkan tungkis juo.
Jadi dapot ma disimpulkon satiop pambahasan di paradaton nada bisa masak dohot denggan atope bisa manjadi kaputusan na bisa mardalan muda na mangalehen. partimbangan inda lengkap sude 3 unsur ni Dalihan natolu.
3)        Giliran mora, anakboru dohot suhut margonti-gonti doi songon na maridi di pancur.
Di sada urusan di Sabadolok si "A" manjadi mora si "B", sedang di urusan na lain dibagas lombang si "B" manjadi mora ni si "C". Satorusna si C mangalehen gadis muse tu si "A" di bagas Dolok sahinggo si "A" manjadi anak boru ni si "C".
Jadi dalam hal on si "A" sanoli ia manjadi "Mora ni mora" si "C" tapi sabalikna ia sanoli menjadi anakboru ni si "C".
Muda dipamanat-manati kedudukan ni natolu unsur Dalihan natolu rap jungada anakboru, jungada suhut dohot mora.
Jadi posisi on manjadi bukti muse ma bahaso pada hakikina samo sincat do di galanggang paradaton.
Dibagasan posisi na songon on angkon nabotul-botul hati-hati manyorahkon tugas ni anakboru tu halai harana muda sala suru bisa do "muta" mulak ulak fu suhut tugas i. (ingot carito maniop tombak, payung dohot podang na jungada tarjadi).
4)        Anakboru mangalehen hata putus.
Mudaadong sadaparmasalahan di antara suhut diupayaon didamehon halai na marangka maranggi bope na markahanggi.
Muda inda tarsalosehon halai bisa ditingkatkon dohot mangundang mora untuk mangalehen pandangan dohot partimbangan atope mamutuskon sanga aha do si baenon ni suhut untuk satorusna.
Songon i muse muda anakboru mangida morana sai na leng marsalisi asa marlarut-larut nabisa mangurangi wibawa atope marwah ni mora, anakboru tola mangumpulkon morana asa manyarankon anso na sapade padena tibu mardenggan.
Parjolo marsantabi ditua sahata ni mora asa mangalehen partimbangan dohot hata putus na harus di dalankon morana dohot pangidoan ampot mora inda ra mandalankon putusan i, dipasampe anakboru ma untuk tupudi niari ulang be didok hal nadenggan najat tu ibana.
Biasona muda mora na mangarti dohot ikhlas angkon mandalankon "VETO" ni anakboru on demi hadengganan ni keluarga ni mora i sandiri.
5)        Dibagasan mangadopi kasulitan ni suhut tingon panyalosean ni biaya karejo atope horja salalu diatasi mora dohot anakboru didia targambar panyaloseanna:
1/3 boban ni suhut,
1/3 boban ni kelompok mora,
1/3 boban ni kelompok anakboru.

Panyalosean on biasona ditarimo sude pihak asa masing-masing kelompok margotona royong manutupisa. Tai muda diligi kenyataan di masyarakat falsafah samo gincat inda bahat be disadari tiop unsur Dalihan Natolu, malah madung adong Nida mora hum gincat tingon suhut asa anakboru dipandang na hum rondo posisina.
Mala songon i pangaligi ni falsafah Dalihan Natolu madung manyimpang tingon na digariskon ni ompunta najumolo sundut i.
Sabotulna anso tangkas tarida angkon na malo do iba mandalankon "Hormat marmora, manat mardongan tubu asa elek maranakboru". Muda sawaktu iba suhut atope maradopkon mora sai totop hormat dibagasan maksud nagiot pasangapkon ibana tontu sawaktu iba marputar manjadi mora hormat dohot hasangapan i nangkan dapot muse mai tingon anakboru niba.
Songoni muse elek mar anakboru tontu maksudna salalu mangingot anak aboru inda hum na manyuru sajo, anak boru pe sai totop hormat jana somba maradopkon mora. Sannari hormat ni anakboru mur-mur hurang tu morana harana morana sandiri hurang mampar kate-atehon anakboruna atope inda jungada marlomo-lomo tu anakboruna.
Disamping ni i sannari mora maradopkon anak boru na, baru diingot muda adong hagiot tu tenaga ni anakboru. Anggo na sapadena giotna elek maranak boru inda "bayarkontan" disi disuru disijuo disurduhon pangalehenan niba atope baru disidope tungkap tangan maradopkon anakboru.
Sabaikna diwaktu-waktu inda adong kaporluan pasuo iba dohot anakboru niba sai marpupu tungkap tanaan tando ingot tu ibana marlomo lomo mangadopi anakboru niba.
Jadi diwaktu diporluhon inda porlu iba manyurduhon tai cukup mangido tolong asa anakboru dohot ikhlas nangkan manyalosehon karejo na disuru ni morana. Muda songoni ro ma holong ni anakboru tu mora, asa sifat sai nagiot manjul-julkon mora na atope manjujung tua ni morana anso mur madenggan.
Adong sada kayakinan ni anakboru inda angkan radurhako tu morana tai sabalikna ampot adong tilako ni morana, anakboru ma nangkan mendege-dege tilako ni morana atope nangkan mangatasi kasulitan ni morana.
5.        Siapa Pencipta Adat Dalihan Natolu

ü  Siapa yang membuat atau yang mencipta Adat Dalihan Natolu itu ?
Jawaban yang tepat, tetapi kurang mengena : "Yang menciptakan Adat Dalihan-Natotu itu ialah Ompunta Narobian"
Jawaban terjemahan yang menimbulkan masalah, sehingga Penyusun terpaksa memberi penjelasan pada cetakan kedua ini :
"Yang menciptakan Adat Dalihan-Natolu itu ialah orang Israel (Yahudi) Kuno yang datang dari Mesir dan menurunkan suku Batak"
ü  Pertanyaan berikutnya, bagai mana cara terbentuknya ?
Menurut Penyusun : Terbentuknya Adat Dalihan-Natolu itu tidak secara akumulatip atas pemikiran Nenek-Moyang itu dari beberapa gene­rasi, sehingga menjadi sempurna seperti yang sampai ke generasi sekarang.
Tetapi Adat Dalihan-Natolu itu dicipta­kan oleh seorang atau beberapa orang dalam satu waktu satu generasi.
ü  Timbulnya pertanyaan lagi, kenapa di Tapanuli Selatan Adat Dalihan-Natolu itu berkembang subur sehingga menjadi satu ilmu-sosial yang tangguh dibanding dengan di Tapanuli Utara ?
Menurut pendapat Penyusun : Di Tapanuli Selatan, Adat Dalihan-Natolu itu disirami oleh ajaran Islam yang datangnya dari sumber yang sama. Masyarakat Tapanuli Selatan umumnya menganut agama Islam.
Di Tapanuli Utara Adat Dalihan-Natolu itu hidup di tengah masyarakat yang menganut agama Kristen yang datangnya dari Barat (Eropa). Kalau agama Kristen itu datangnya dari Palestina langsung, mungkin akan Lain ceritanya.
Pola pikir orang Barat berbeda dengara pola pikiir orang­-orang Timur. Sifat yang ke Belanda-belandaan (Belanda tiga suku) menyebabkan seseorang meremehkan bahkan bisa juga meninggalkan adat leluhurnya.
ü  Kenapa anak-anak muda sekarang kurang berminat kepada Adat Dalihan Natolu ?
Jawabnya : kebanyakan anak-anak muda sekarang lebih terpengaruh kepada paham liberalisme, individualisme, dan materialisme pengaruh pola pikir orang-orang barat.
Time is money hanya duitlah yang dapat membahagiakan hidup ini. Demikian kira-kira pola pikir anak-anak muda sekarang.
Sekolah-sekolah kita lebih menekankan kepada pengajaran ilmu yang canggih-canggih, kurang mendidik moral dan disiplin anak-anak muda tersebut.
Sedang Adat Dalihan Natolu mendidik manusia untuk mencari kebahagiaan bersama secara kolektif. Adat Dalihan-Natolu menyampingkan kepentingan individu dan mengutamakan kepentingan umum dalam ikatan kekeluargaan. Disinilah bedanya dan menjadi penyebab tersebut.
Mengutamakan pendidikan disiplin di sekolah mulai TK-SD-SLTP-SLTA dan Fakultas inilah satu-satunya jalan keluar yang dapat menyelamatkan masa depan Bangsa dan Negara kita.
Mudah-mudahan ini menjadi perhatian Bapak-bapak pendidik di sekolah-sekolah dan terutama kita harapkan Kepada Bapak menteri Pendidikan dan Kebudayaan, supaya merobah kurikulum belajar sehari penuh disekolah. Tujuannya untuk lebih mengeratkan hubungan kawan sesekolah. Serta memperkecil pengaruh individualisme dan materialisme kepada anak muda dalam usia masa belajar tersebut. "Disiplin", secara otomatis akan terbina. Kesejahteraan guru juga tentunya harus sejajar men­dapat perhatian.

E.  Pengertian "Raja" Kepada Orang Batak
Istilah Raja, yang disebut-sebut. Apakah itu tidak dimaksud untuk menghidupkan kembali sistem kerajaan yang feodalistik itu ?
Jawaban ; Penyusun terhadap pertanyaan itu ialah, bahwa Penyusun Buku PANGUPA ini tidaklah mengarang atau menciptakan adat tersebut. Tetapi hanyalah mengangkat adat itu sebagian diatas kertas hitam diatas putih. Supaya orang yang membutuhkan lebih memahami adat Dalihan ­Natolu dari suku Batak khususnya masyarakat Tapanuli Selatan.
Oleh karena yang ditulis itu ingatan orang yang disampaikan kepada Penyusun ditambah dengan pengalaman di lapangan, maka semua istilah yang dipakai tidak dirobah. Bagaimana yang biasa disebut begitulah yang ditulis. Untuk memudah­kan.
Namun demikian Penyusun berani memastikan penger­tian Raja kepada orang Batak tidak sama seperti pengertian Raja yang diterjemahkan sebagai the KING dalam kamus. Pengertian Raja kepada orang Batak ialah orang yang me­ngetahui adat Dalihan-Natolu dan menjadi pemimpin orang-­orang supaya tertib adat.
Sedang adat Dalihan-Natolu itu sendiri ialah tata-cara da­lam ilmu sosial (social-science) untuk merapatkan hubungan antara manusia satu dengan manusia lainnya dalam sistem kekeluargaan yang dijiwai dengan kasih-sayang.
Jadi dari sana dapatlah pula diambil satu kesimpulan, bahwa pengertian Raja kepada orang Batak ialah orang yang menguasai adat yang mengabdikan dirinya mempersatukan masyarakat dalam sistem kekeluargaan.